Tal byrjaði nýtt ár á því að lækka fastagjöld fyrir Internet um ljósleiðara og ljósnet og var það gleðiefni. Því miður hafa birgjar okkar nú tekið upp á því að hækka verð á fjarskiptaþjónustu og viljum við láta þig vita af áhrifum þess með góðum fyrirvara.

Dæmi um breytingar
•    ADSL leiðir koma til með að hækka um 6%
•    Ljósleiðari ýmist hækkar um 4% eða lækkar um 1-7%
•    Heimasímaþjónustur koma til með að hækka
•    Verð á Ljósneti helst óbreytt

Breytingar á núverandi þjónustum Tals
Breytingar á eldri þjónustum Tals
Aðrar breytingar

Verðbreytingar taka gildi 1. mars næstkomandi.







-------------------------------------------------------------------------------------------------------- 

Við hjá Tali erum að vinna í verðbreytingum sem taka gildi 1. janúar 2012. Markmið Tals er áfram að viðskiptavinir borgi sem allra minnst fyrir heimasíma, gsm og netþjónustu.

Þar sem aukning hefur orðið á niðurhali hjá viðskiptarvinum Tals á síðustu mánuðum mætum við því með lækkun á 50 GB  aukaniðurhalspakka okkar í ADSL, Ljósleiðara og Ljósneti. Einnig komum við til með að kynna inn nýjan 20 GB auka niðurhalspakka á nýju ári.

Töluverðar lækkanir eiga sér stað á fastagjöldum á interneti hjá Tali. Tvær Ljósleiðaraþjónustur og þrjár Ljósnetsþjónustur koma til með að lækka, hvort sem um ræðir Allan Pakkann eða stakar þjónustur.

Upphafsgjöld og mínútugjöld í farsíma koma til með að hækka þegar hringt er úr heimasíma Tals. Aukalega kemur fastagjald á heimasímum sem hringja frítt í alla heimasíma á Íslandi til með að hækka um 150 kr.

Í kjölfar verðbreytinga á nýju ári mun Tal svo bjóða fjölda nýrra þjónustuleiða til að mæta þeim fjölbreytileika sem ríkir á íslenskum fjarskiptamarkaði.

Skoða verðbreytingar.






________________________________________________________________ 

Að gefnu tilefni vill Tal taka fram að frétt um ágreining á milli Tals og Vodafone hefur ekki nokkur einustu áhrif á viðskiptavini Tals. Tal tryggir viðskiptavinum sínum traust fjarskiptasamband á sömu góðu kjörum og hingað til og markmið okkar er óbreytt: Að viðskiptavinir borgi sem allra minnst fyrir síma, net og sjónvarpsþjónustu.

Tal gerir hins vegar athugasemdir við alvarlegar rangfærslur í umræddri frétt á sem birtist á Stöð 2, sunnudaginn 16. október 2011. Fullyrðing fréttamanns um mörg hundruð milljóna króna skuld Tals við Vodafone á sér ekki stoð í raunveruleikanum. Raunveruleg skuld Tals við Vodafone nemur 36 milljónum, sem jafngildir rúmlega tveggja vikna viðskiptum á milli félaganna. Rekstur Tals er traustur og skuldastaða óveruleg.

Eigendur Tals og Vodafone gerðu í vor með sér samning um að sameina félögin. Á þeim tíma voru öll viðskipti á milli félaganna í fullum skilum. Á meðan beðið var ákvörðunar Samkeppniseftirlitsins varð til ágreiningur á milli félaganna um ákvæði í samningum þeirra á milli. Ákveðið var að taka þann ágreining fyrir að fenginni niðurstöðu frá Samkeppniseftirlitinu.

Samkeppniseftirlitið hafnaði samruna félaganna 5. október síðastliðinn með þessum orðum: “Tal er mikilvægur keppinautur bæði Símans og Vodafone” og hefur „einbeitt sér að því að veita Símanum og Vodafone verðsamkeppni og boðið neytendum upp á ýmsar nýjungar.” Stjórnendur og eigendur beggja félaga hafa nú farið yfir öll sín mál og sett í viðskiptalegan farveg og hafa fullan hug á að halda áfram áralöngum og farsælum viðskiptum.

Sérstaða Tals felst í því að fyrirtækið kaupir fjarskiptaþjónustu, svo sem heimasíma, sjónvarp, nettengingar og farsíma, í magninnkaupum hjá Vodafone og Símanum og endurselur til viðskiptavina sinna á betra verði en býðst annarsstaðar. Tal selur meira en 60 þúsund þjónustuáskriftir til sinna viðskiptavina í dag og er stærsti viðskiptavinur bæði Vodafone og Símans.

Viðskiptavinir Tals þurfa ekki að hafa áhyggjur af neinni truflun á fjarskiptaþjónustu líkt og gefið var í skyn í fyrrnefndri frétt.

Virðingarfyllst,

Viktor Ólason, forstjóri Tals

---

 

„Þetta er kærkomin staðfesting samkeppnisyfirvalda á því að Tal er til hagsbóta fyrir neytendur” segir Viktor Ólason forstjóri Tals um þá ákvörðun Samkeppniseftirlitsins frá 5. október um að ógilda fyrirhugaðan samruna Tals og Vodafone. „Tal fagnar því að óvissu um eignarhald fyrirtækisins hafi verið eytt og á það bæði við um starfsfólk okkar og viðskiptavini.”

„Við erum líka ánægð með þá niðurstöðu Samkeppniseftirlitsins að Tal sé mikilvægur keppinautur bæði Símans og Vodafone þar sem við bjóðum upp á heildarlausnir á sviði fjarskipta á smásölumarkaði og erum með meiri breidd í þjónustuframboði en aðrir keppinautar Símans og Vodafone.” segir Viktor.

„Tal hefur verið í hörkusamkeppni við stóru símafyrirtækin síðustu mánuði. Þessi niðurstaða gefur okkar frábæra starfsfólki aukinn kraft til þess að halda áfram að berjast við risana á markaðinum og þjónusta okkar viðskiptavini.”
Í ákvörðun Samkeppniseftirlitsins segir orðrétt að Tal hafi „einbeitt sér að því að veita Símanum og Vodafone verðsamkeppni og boðið neytendum upp á ýmsar nýjungar.”

„Við vitum að markmið eigenda fyrirtækjanna með samrunanum var að búa til eitt sterkara fyrirtæki og í krafti þess að efla samkeppni og lækka verð á fjarskiptamarkaði neytendum til hagsbóta.” segir Viktor um fyrirhugaðan samruna fyrirtækjanna.

„Hvað sem þessum tíðindum líður þá get ég bara lofað því að hér eftir sem hingað til mun Tal berjast fyrir því að Íslendingar borgi sem allra minnst fyrir síma, net og sjónvarpsþjónustu. Fólk mun sjá frekari staðfestingu á því frá okkur á næstu mánuðum.”

Nánar má lesa um niðurstöðu Samkeppniseftirlitsins hér: Samkeppniseftirlit

---

 

Hvítasunnudagur: 12:00 - 16:00
Annar í Hvítasunnu: 12:00 - 18:00
17. júní:  12:00 - 16:00

Hafið það gott á komandi frídögum.
Með kveðju, 
Tal. 

Kæri Talvinur,
Stefna Tals hefur alltaf verið að miðla sanngjörnu verði til viðskiptavina sinna og veita góða og persónulega þjónustu. Engin breyting mun verða þar á eins og verðsamanburður sýnir vel. Með þessa stefnu að leiðarljósi var verðskrá Tals endurskoðuð og verð ýmist hækkuð eða lækkuð til að endurspegla betur kostnað í rekstri.

Gegnsæi:
Takmark okkar er ekki að fegra þessa verðbreytingu, heldur benda á hlutina eins og þeir eru. Hækkanir verða á þeim sviðum sem þörf er á, en einnig lækkanir á öðrum þar sem svigrúm leyfir. Ný verðskrá var skipulögð með tvö markmið í huga:

·         Stilla verðskrá betur af miðað við kostnaðarverð.

·         Halda lægri verði en helstu samkeppnisaðilar.

Einföld uppsetning sýnir hér þær breytingar sem munu eiga sér stað. Einnig til samanburðar hafa verð samkeppnisaðila okkar verið sett hér inn. Breytingar á verðskrá Tals munu taka gildi þann 1. júlí nk.

Verðbreytingar

 

Nú erum við hjá TALI í átaki og ætlum að ýta undir grænu gildin. 
Því förum við nú í skilmálabreytingar. Viðskiptavinir TALS hafa fengið sendan til sín markpóst þess efnis. 

Helstu atriði þessara breytinga eru eftirfarandi:

• Viðskiptavinir þurfa að óska sérstaklega eftir því ef þau vilja fá senda til sín reikninga og upplýsingar varðandi þjónustu sína.
• Við getum nú sent ykkur upplýsingar varðandi breytingar í vefpósti, smáskilaboðum og heimabanka.

Hér má skoða breytinguna nánar.

 

Vegna umfjöllunar í DV um óprúttna náunga sem segjast vera sölumenn símafyrirtækja vill Tal taka eftirfarandi fram: Enn sem komið er hefur aðeins heyrst af einu dæmi þess að nafn Tals sé misnotað á þennan hátt. Tal hvetur fólk engu að síður til að vera á varðbergi og gefa ekki upp greiðslukortanúmer ef hringt er úr óþekktum símanúmerum.

Einnig má benda á að sölumenn á vegum Tals taka ekki niður greiðslukortanúmer þeirra sem hringt er í, heldur einungis nafn, netfang og símanúmer. Þeir sem taka tilboði sölufólks Tals fá svo símhringingu frá Tali degi síðar úr símanúmerinu 1817 þar sem gengið er frá viðskiptunum.

Að sjálfsögðu hvetjum við alla til að taka vel á móti sölufólki Tals – því það býður fjölmargar ómótstæðilegar og appelsínugular leiðir til að lækka símreikninginn!

 

Frá og með 1.mars 2011 hækka mánaðargjöld okkar að meðaltali um 5% og upphafsgjald úr 5,5 krónum í 6 krónur. Til að fá frekari upplýsingar geta viðskiptavinir haft samband í 1817 eða í næstu verslun. Skoða verðbreytingar

 

Skilmálar fyrir fjarskiptaþjónustu hjá Tali.

Eftirfarandi skilmálar gilda um alla fjarskiptaþjónustu sem Tal, skráð IP fjarskipti ehf., kt. 681201-2890, veitir nema sérákvæði í sérstökum skilmálum eða samningum mæli á annan veg. Tal áskilur sér rétt til að gera breytingar á skilmálum, þjónustu og verði. Breytingar eru kynntar á vefsíðu Tals, www.tal.is, með a.m.k. mánaðar fyrirvara áður en þær taka gildi. Þegar um er að ræða hækkun á gjaldskrá eða breytingar á skilmálum eða þjónustu  sem eru viðskiptavini í óhag skal hverjum og einum viðskiptavini tilkynnt um breytingarnar sérstaklega , s.s. með heimsendum reikningum eða með rafrænum reikningum í heimabanka. Tal áskilur sér rétt til að senda viðskiptavinum tilkynningar um breytingar á gjaldskrá, skilmálum eða þjónustu með tölvupósti eða SMS skilaboðum.  Með slíkri tilkynningu skal ávallt gefa viðskiptavinum kost á að afskrá sig af slíkum póstlistum og skal þá senda þeim tilkynningar um breytingar á annan sannanlegan hátt, s.s. með heimsendum reikningum.

Viðskiptavinir á einstaklingsmarkaði eiga rétt á að segja upp samningi fyrirvaralaust ef þeir sætta sig ekki við nýja skilmála, gjaldskrá eða breytingu á þjónustu sem tilkynnt er til þeirra og eru þeim í óhag. Í tilkynningu um slíkar breytingar ber Tali að upplýsa viðskiptavini sérstaklega um þennan uppsagnarrétt.  Skulu viðskiptavinir tilkynna uppsögn til Tals í síðasta lagi einum mánuði eftir að tilkynning frá Tali berst þeim.

Sá sem óskar eftir fjarskiptaþjónustu Tals, viðskiptavinur, skuldbindur sig við undirritun eða staðfestingu samnings um fjarskiptaþjónustu að hlíta þeim kjörum og skilmálum sem gilda um þjónustu Tals. Ef Tal gerir ekki athugasemdir við samninginn innan tveggja vikna frá því að aðgangur að þjónustu er veittur, er kominn á bindandi þjónustusamningur.

Ofangreind ákvæði koma í stað núgildandi ákvæðis um skilmálabreytingar sem er svohljóðandi:

Eftirfarandi skilmálar gilda um alla fjarskiptaþjónustu sem Tal, skráð IP fjarskipti ehf., kt. 681201-2890, veitir nema að sérákvæði í sérstökum skilmálum eða samningum mæli á annan veg. Tal áskilur sér rétt til að gera breytingar á skilmálum, þjónustu og verði. Breytingar eru kynntar á vefsíðu Tals, www.tal.is, með a.m.k. mánaðarfyrirvara áður en breytingarnar taka gildi. Sá sem óskar eftir fjarskiptaþjónustu Tals, viðskiptavinur, skuldbindur sig við undirritun eða staðfestingu samnings um fjarskiptaþjónustu að hlíta þeim kjörum og skilmálum sem Tal hefur á þjónustu sinni. Ef Tal gerir ekki athugasemdir við samninginn innan tveggja vikna frá því að aðgangur að þjónustu er veittur, er kominn á bindandi þjónustusamningur. 

 

Ný þjónusta Tals hjálpar viðskiptavinum að gera heimilisútgjöldin stöðugri:

 

Sama upphæð á reikningnum í hverjum mánuði

Tal býður nú viðskiptavinum sínum nýja þjónustu sem felst í að viðskiptavinurinn ákveður hversu hárri upphæð hann vill verja á mánuði í samskiptaþjónustu, þ.e. heimasíma, farsíma og nettengingu. Í sérstakri reiknivél á vef Tals birtist þá sú þjónusta sem hægt er að veita fyrir þá upphæð. Í kjölfarið getur viðskiptavinurinn fínstillt þá þjónustu sem hann óskar eftir og sent Tali tilboð út frá þeim forsendum.

Eftir það verður reikningurinn frá Tali ávallt sú upphæð mánaðarlega sem samið var um og símreikningar koma ekki lengur á óvart um hver mánaðarmót*. Viðskiptavinirnir ráða með öðrum orðum hvað þeir borga.

 

Hvers vegna?

„Markmiðið með þessu er að hjálpa viðskiptavinum okkar að ná betri stjórn á heimilisbókhaldinu, enda verður kostnaður við samskipti nú föst tala um hver mánaðarmót. Margir þekkja það að fá hærri símreikning en þeir gerðu ráð fyrir. Með þessari þjónustu er það úr sögunni, því þótt notkunin fari yfir áætlað magn einstaka sinnum hækkar reikningurinn ekki, enda virðum við samninga sem við gerum við viðskiptavini okkar. Fjarskiptamarkaðurinn hér á landi hefur gengið allt of mikið út á að flækja hlutina og þessu viljum við breyta. Hvað er einfaldara en að greiða eitt fast gjald sem viðskiptavinurinn sjálfur ákveður að sé sanngjarnt?“ segir Viktor Ólason, forstjóri Tals.

 

Hvernig virkar þetta?

Hægt er að sækja um þessa nýju þjónustu í verslunum, þjónustuveri í síma 1817 eða inn á netslóðinni tal.is. Þar er upphæð slegin inn, skráð hversu margir á heimilinu muni nota síma, fínstillt hvaða þjónustu óskað er eftir og tilboð sent samkvæmt því. Gerður er samningur og eftir það greiðir viðskiptavinurinn það sem samningurinn hljóðar upp á. Verði notkun hins vegar að jafnaði umtalsvert meiri eða minni en sú sem upphaflega var gert ráð fyrir er þörf á að endurskoða samninginn. Í þeim tilvikum verður haft samband við viðskiptavininn og tekin ákvörðun í samráði við hann.

* Viðskiptavinur greiðir sama mínútuverð vegna allra símtala sem framkvæmd eru í íslensk heimasíma- og farsímanúmer, að þjónustusímanúmerum undanskildum. Fyrir símtöl sem enda í þjónustunúmerum greiðir viðskiptavinur í samræmi við verðskrá Tals. Slík símanúmer eru m.a. símanúmer Já, 118, 1818, 1811, 1444, símanúmer sem hefjast á 800, 900, auk annarra þjónustunúmera, farsímanúmer sem hefjast á 09, IMS-númer, auk allra gervihnattasímtala. Símtöl úr heimasíma í GSM og netið í símann er einnig undanskilið.

 

Heiður Reynisdóttir er vinningshafinn í vinaleik Tals í desember, hún vann ferð fyrir alla fjölskylduna til Köben